Учрашувда Тошкент давлат шарқшунослик университетининг Бангладеш олийгоҳлари билан мавжуд ҳамкорлигини кенгайтириш, қўшма таълим дастурларини йўлга қўйиш ва икки дипломли ўқитиш тизимини жорий этиш таклиф қилинди. Шунингдек, профессор-ўқитувчилар ва талабалар алмашинувини ташкил этиш масалалари муҳокама қилинди.

Томонлар қишлоқ хўжалиги, тиббиёт, ахборот технологиялари ва муқобил энергетика йўналишларида қўшма илмий тадқиқотлар ўтказиш, ҳамкорликда илмий-амалий анжуманлар ташкил этиш бўйича фикр алмашди.

Шунингдек, инновацион экотизимни ривожлантириш, технопарклар, стартаплар ва инкубация марказлари фаолияти бўйича тажриба алмашиш, сунъий интеллект ва рақамли иқтисодиёт йўналишларида лойиҳаларни биргаликда амалга ошириш имкониятлари кўриб чиқилди.

Учрашув якунида ҳамкорлик йўналишларини мувофиқлаштириш учун қўшма ишчи гуруҳ тузиш ва амалий ҳужжатларни ишлаб чиқиш бўйича келишувга эришилди.