Tadbirda joriy yilning 3 oyi davomida Oila va xotin-qizlar boshqarmasi, uning tumanlar va shaharlar bo‘limlari tomonidan amalga oshirilgan ishlar tanqidiy tahlil qilindi. Oilalar va xotin-qizlar muammolari bilan ishlash, bu borada ularning mas’uliyatini oshirish bo‘yicha tegishli topshiriqlar berildi.

Ayniqsa, onalik va bolalikni muhofaza qilish, oilaviy ajrimlarning  oldini olish kabi dolzarb masalalar muhokamasiga e’tibor qaratildi. 

Shuningdek, xotin-qizlarni daromad topishga o‘rgatish, tadbirkorligini yo‘lga qo‘yish, biznesini rivojlantirishga oid O‘zbekiston Respublikasi Prezidenti, Hukumat qarorlari mazmun-mohiyati hamda ulardan kelib chiqadigan vazifalar haqida batafsil to‘xtalindi.

Xotin-qizlar bandligiga ko‘maklashish, Sayhunobod tajribasi asosida kasb-hunarga o‘qitish, tadbirkorlik ko‘nikmalarini shakllantirish, tadbirkorlik tashabbuslarini va muayyan imtiyozli kreditlar olishda qo‘llab-quvvatlash borasida amalga oshirilayotgan ishlar tahlil qilindi, kamchiliklarni bartaraf etish bo‘yicha aniq topshiriqlar berildi.