Qoraqalpogʻiston va Tatariston respublikalari oʻrtasida oliy taʼlim, fan va innovatsiyalar sohasida hamkorlik mustahkamlanmoqda
2024-05-06 09:45:00 / Yangiliklar
2-may kuni Qoraqalpogʻiston Respublikasi Oliy taʼlim, fan va innovatsiyalar vaziri Batirbek Kaipbergenov rahbarligidagi delegatsiya Tatariston Respublikasiga tashrif buyurdi. Delegatsiyani Tatariston Respublikasi Taʼlim va fan vaziri Ilsur Xadiullin kutib oldi.
Qoraqalpogʻiston va Tatariston respublikalari vazirlari ishtirokidagi uchrashuvda ikki respublika oliy va professional taʼlimi tizimlarining hozirgi holati, oʻquv dasturlari haqida soʻz yuritildi.
B. Kaipbergenov va I. Xadiullin taʼlim muassasalari oʻrtasida hamkorlikni rivojlantirish, tajriba almashish, almashinuv dasturlari va stajirovkalarni tashkil etish masalalarini muhokama qildilar. Shuningdek, tomonlar ikki taraflama foydali boʻlgan hamkorlikni yoʻlga qoʻyishga qaratilgan memorandum va shartnomalar tuzishga kelishdilar.